IRIS

病發前是審計師, 也是兩老的照顧者

2021年5月第一次病發，當時左眼上面3分一部份睇野矇, 兩三日間就蒙晒, 入院照完MRI好快確診NMO, 用藥後視力是有好轉.

但好景不常, 就算她食住防復發藥, 在2022年10月, 即是未夠兩年她又再次復發, 今次輪到右眼矇, 但比上次嚴重好多, 而且治療後沒有改善.

現在左眼只剩5成視力, 而右眼就只得兩成左右.

這好影響她日常生活, 視力矇查查好似有層沙隔住咁, 睇唔到字, 只睇到大影像.

雖然這病對Iris帶來很大打擊，但她亦提醒自己不能放棄，

也期望隨著醫學的進步, 可醫治NMO, 她不會再復發, 因她再沒有好多視力再失去了

BILLY

Billy 在2024年1月份第一次確診NMO，當時正在澳洲旅行，澳洲醫生好專業，好快用藥類固醇和安排洗血5次

- 他是脊髓發炎，導致腹部以下半身麻痺，影響行動要用輪椅代步和需要插尿喉排尿

- 暫時情況穩定，需要定期吊針防復發

- 最差狀況試過每日神經痛和抽筋，超過100次，每十幾分鐘就痛一次，又要用尿袋排尿，非常不方便

- 現在已恢復一些力量和扶行架或拐扙可行幾步，神經痛斷斷續續都有，雙腳抽筋已減少到每日一，二次，背部仍痕癢，上半身腰腹和腳部麻痺就仍常持續